Segiz óńirde 42 mektep jylytý maýsymyna daıyn emes

Úkimet otyrysynda Ónerkásip jáne qurylys mınıstri Qanat Sharlapaev áleýmettik nysandardyń jylytý maýsymyna daıyndyǵy týraly málimet berdi, dep habarlaıdy QazAqparat. 

«Birinshi qyrkúıekke deıingi merzimde bilim nysandary jylytý maýsymyna tolyq daıyn bolýy qajet bolatyn. Ákimdikter usynǵan aqparat boıynsha, búgingi tańda bilim ǵımarattarynyń daıyndyǵy 99,6% bolyp tur. Segiz óńirde 42 obekt boıynsha áli de jumys júrip jatyr. Onyń ishinde 24 nysan boıynsha kúrdeli jóndeý jumystary atqarylyp jatyr. Qalǵan nysandar boıynsha jylý júıesinde jóndeý jumystary aıaqtalmaǵan», - dedi mınıstr.

Al densaýlyq saqtaý nysandary boıynsha daıyndyq - 98,9%. 

«Toǵyz óńirde 62 nysan boıynsha daıyndyq jumystary jalǵasyp jatyr. Daıyn emes mekemelerdiń eń kóbi - Abaı (28), Aqtóbe (12), Atyraý (6) oblystarynda», - dedi Qanat Sharlapaev.