Segiz qazaqstandyq boksshy U19 Azııa chempıonatynyń 1/2 fınalyna ótti
ASTANA. KAZINFORM — Indonezııanyń Djakarta qalasynda bokstan U19 jáne U23 jas sanatynda Azııa chempıonaty ótip jatyr, dep habarlaıdy UOK baspasóz qyzmeti.
Búgin, 11 shildede U19 jas sanatynda shırek fınaldyq jekpe-jekter ótti. Nátıjesinde segiz otandasymyz jartylaı fınalǵa joldama aldy.
Ádil Asqanbaı (50 kelige deıin), Edige Nurǵoja (55 kelige deıin), Aqjúrek Qalabaı (65 kelige deıin), Bıbarys Áshirbaı (70 kelige deıin), Tımýr Taıbekov (80 kelige deıin), Rýslan Ahmetov (85 kelige deıin), Jalǵas Ýtebekov (90 kelige deıin), Vladıslav Samojonov (90 keliden joǵary) óz jekpe-jekterinde jeńiske jetti.
Al Dosjan Jumaqan (60 kelige deıin), Hamza Maqsatuly (75 kelige deıin) jartylaı fınaldan tys qaldy.
Aıta keteıik, Azııa chempıonaty 16 shildege deıin jalǵasady.
Budan buryn Ádil Asqanbaı jartylaı fınalǵa joldama alǵanyn jazǵanbyz.
