Segizaıaq Paýl taǵy da «sáýegeıligin» pash etpek
ASTANA. Tamyzdyń 21-i. QazAqparat - Sáýegeı-segizaıaq Paýl 2018 jylǵy fýtboldan álem chempıonatyn ótkizýge ótinish berip otyrǵan Anglııanyń elshisi atanyp otyr. Anglııanyń osy jobadaǵy taǵy bir elshisi, «Lıverpýl» klýby men el quramasynyń burynǵy oıynshysy Djon Barnstyń aıtýynsha, segizaıaq Paýl Ońtústik Afrıkada ótken álem birinshiliginen keıin fýtbol áleminde mańyzdy tulǵaǵa aınalyp otyr.
«Meniń oıymsha, segizaıaq Paýldiń sońynan kóp adam eredi», - deıdi Barns.
Anglııanyń mýndıaldy ótkizýge berip otyrǵan ótinishine el quramasynyń Devıd Bekhem jáne Rıo Ferdınand sııaqty ataqty fýtbolshylary, "Formýla-1 jarysynyń 2008 jylǵy jeńimpazy Lıýıs Hemılton, mýzykanttar Noel Gallaher men Stıng qoldaý kórsetip otyr.
2018 jylǵy fýtboldan álem birinshiligin ótkizý quqyǵyna Anglııadan basqa Reseı, AQSh, Avstralııa, Belgııa men Nıderlandy (birlesip) jáne Ispanııa men Portýgalııa (birlesip) talasýda.
Fýtbol qaýymdastyqtary halyqaralyq federatsııasynyń atqarýshy komıteti bul másele boıynsha naqty sheshimdi aldaǵy jeltoqsan aıynda qabyldaıdy.
