Segizaıaq Paýldiń tynyshtyǵyn qamtamasyz etý úshin kúzetshi berildi
ASTANA. Shildeniń 19-y. QazAqparat - Batys Germanııanyń Oberhaýzen qalasyndaǵy akvarıým turǵyny, ataqty teńiz maqulyǵy - kóripkel Paýlge jeke oqqaǵar berildi. Okenarıým ákimshiliginiń mundaı qadamǵa barýyna atyshýly kóripkeldi tamashalap, onyń qasıettiligin kózben kórgisi keletinder qatarynyń kúnnen kúnge arta túsýi sebep bolǵan, dep habarlaıdy Vestı.
Kóripkeldik qasıetimen tanylyp, ataǵy jaıylǵan segizaıaq Paýldi óz kózimen kórgisi keletin fýtbol jankúıerleri men qarapaıym azamattar sany azaıar emes. Osyǵan baılanysty, jaqyn arada okeanarıým basshylary Ispanııa tarapynan jasalǵan 2,5 jastaǵy segizaıaqtyń kúzetilýin eń joǵarǵy dárejede qamtamasyz etý nemese ony Pıreneıge ýaqytsha nemese túpkilikti alyp ketý jónindegi usynysty qaramaǵan bolatyn.
Endi mine, nemis baspasózderi Paýlge kúzetshi taǵaıyndalǵanyn jarysa jazyp jatyr. Oqqaǵardyń aty-jóni Olaf Kıpen. Ol 39 jasta, onyń boıy 165 sm, degenmen ol jalpaq deneli. Kúzetshiniń mindeti - kelýshilerdiń tolassyz legine baqylaý jasaý.
«Men, kelýshiler sýretke túsirgende apparattyń jaryq shashqyshyn qospaýyn, Paýl júzip júretin akvarıým qabyrǵasyn soqpaýyn qadaǵalaımyn», - deıdi ol.
Ispanııanyń Karbalıno qalasynyń «qurmetti azamaty» atanǵan kóripkelge «Segizaıaq Paýl, Biz seni jaqsy kóremiz» atty án jazdy, onyń avtory Kalıfornııa turǵyny sazger Perrı Gıbb. Agenttiktiń habarlaýyna qaraǵanda. ándi jarty mıllıonnan astam adam tyńdap úlgergen.
Kóripkeldi kóp aqshaǵa sat deýshiler de tabylyp jatqan kórinedi. Alaıda, ataqtyń da, aqshanyń da kenine aınalǵan maqulyqty ákimshilik satýdan bas tartty.
