Segiz jyldan keıin qazaqstandyqtardyń 100 paıyzy tsıfrlyq saýatty bolady
Bul jaıynda búgin Astana ekonomıkalyq forýmy aıasynda ótken álemdik ekonomıkanyń tsıfrlyq transformatsııasyna arnalǵan sessııada QR Aqparat jáne kommýnıkatsııalar vıtse-mınıstri Qaırat Balyqbaev málim etti, dep habarlaıdy QazAqparat.
«2020 jylǵa qaraı Tsıfrlyq Qazaqstan baǵdarlamasy aıasynda munan da kóp eldi mekenderdi keń jolaqty ınternetpen qamtamasyz etýdi kózdep otyrmyz. Bul shamamen 2 mln turǵyn. Búginde olardyń keń jolaqty ınternetke qol jetkizý múmkindikteri joq. Biz halyqtyń 95 protsenti tsıfrlyq habar taratýmen qamtylǵanyn qalaımyz. Ózderińiz de biletindeı, biz bul baǵytta jumys jasap jatyrmyz. 2020 jylǵa qaraı bul kórsetkishke qol jetkizip qalarmyz», - dedi vıtse-mınıstr.
Sonymen qatar ol halyqtyń qarjylyq saýattylyǵy máselesine de toqtalyp ótti.
«Búginde halyqtyń 74 paıyzy tsıfrlyq saýatty ekendigin aıtqan bolatynmyn. 2020 jylǵa qaraı bul kórsetishti 85, al 2025 jylǵa qaraı 100 protsentke jetkizgimiz keledi. Árıne, buǵan qosa elektrondyq qyzmetterdi paıdalanatyn Qazaqstannyń ekonomıkalyq belsendi halqynyń sanyn 70 paıyzǵa deıin arttyrý maqsatymyz bar», - dedi Qaırat Balyqbaev.
