Segiz jylda seksen eki balanyń ákesi atanǵan azamat
Astana. 21 tamyz. QazAqparat - Nıderlandy eliniń Maastrıht qalasynda turatyn 42 jastaǵy Ed Gýben aınaldyrǵan segiz jyldyń ishinde seksen eki balanyń ákesi atandy.
Bul jaıynda News.life-ke silteme jasap, BAQ.KZ habarlaıdy.
Gollandııalyq azamat perzent súıýdi ańsap júrgen qyz-kelinshekterdi óz úıinde qabyldaıdy eken. Al, Gýbenniń kómegine júginetin jandar álemniń túkpir-túkpirinen kelip jatady. Óıtkeni, onyń bıologııalyq kórsetkishteri asa joǵary. Gýbennen júkti bolǵan áıelderdiń 80 paıyzy densaýlyǵy myqty bala bosanypty. Al, Edtiń ózi bolsa kórsetken osynaý kómegi úshin aqsha almaıdy.
«Kóp balaly áke» óz kásibin 34 jasynan bastaǵan. Tań qalarlyǵy sol, buǵan deıin Gýben birde-bir ret jynystyq qatynasqa túspegen jáne ol ata-anasynyń janynda ómir súripti. Gollandııalyq azamat óz qyzmetin paıdalanatyn áıeldermen dúnıe kelgen balaǵa eshqandaı qarjylaı kómek kórsetpeıtindigi jaıynda aldyn ala zańdy kelisimge otyrady eken. Búginde onyń belinen shyqqan 45 qyz ben 35 ul bala óz ata-analarymen ómir súrýde. Al, taǵy eki sábıdiń jynystaryn analary aıtqysy kelmegen. Sondaı-aq, jýyrda Gýbenniń kómegine júgingen 10 áıel ana atanýǵa daıyndalyp jatyr.
«Jasandy uryqtandyrý tásili shamamen 8000 AQSh dollaryn qajet etedi. Al, men bul qyzmetti múldem tegin atqaramyn. Bar maqsatym - qaıyrymdy is jasap, bala kótere almaı júrgen qyz-kelinshekterdi baqytty etý. Meniń óz qurbym bar jáne ol meniń bul áreketime qarsy emes, qaıta qoldaıdy» deıdi kóp balaly áke atanyp júrgen Ed Gýben.
