Segiz jumysshy qıraǵan ǵımarat astynda opat boldy, taǵy 9-y jaraqattandy
ASTANA. QazAqparat - Kot-d'Ivýardaǵy ǵımaratty buzý kezinde keminde segiz adamnyń ómiri qıylyp, taǵy toǵyz adam jaraqattandy.
Bul oqıǵa eldiń iri qalasy Abıjanda oryn aldy. Agence France Presse habarlaǵandaı, jergilikti bılik oryndarynyń málimetinshe, qaýipti qurylystardy buzý baǵdarlamasynyń aıasynda 20 adamnan quralǵan brıgada Attekýbe aýdanynda tórt qabatty ǵımaratty buzý jumystaryn júrgizip jatqan. Sol sátte belgisiz sebeptermen ǵımarat qırap qalǵan. Bolǵan jaǵdaı tergelip jatyr. Ǵımaratty bılik oryndarymen jumys júrgizýge kelisimshart jasasqan jekemenshik fırmanyń jumysshylary buzyp jatqany belgili boldy.
