Segiz jasar hokkeıshilerimiz halyqaralyq týrnırde qola medal oljalady
ASTANA. 13 qańtar. QazAqparat - Segiz jasar hokkeıshiler «JelDorEkspedıtsııa» halyqaralyq týrnırinen qola medalmen oraldy,
dep habarlaıdy QR Týrızm jáne sport mınıstrligi Sport komıtetiniń baspasóz qyzmeti.
Týrnır 4-6 qańtar kúnderi Belarýs elinde Gomel muz aıdynynda ótti. 2003 jyly týǵan balalar arasynda bolǵan jarysta eń úzdik hokkeı komandasy ataǵy úshin Qazaqstan, Reseı, Belarýs, Ýkraına, Latvııa memleketteriniń jas sportshylary kúsh synasty.
Dodadada Sergeı Kozlov jattyqtyratyn qazaqstandyq «Barys» komandasy jaqsy oıyn órnegin kórsete bildi. Shaıbaly hokkeıdiń jas sheberleri týrnırde tek bir ret - «ıAstreb» komandasyna ese jiberip, «Vıtebsk» pen «Gomel» komandalarymen ótkizgen oıyndarda 4:4 esebimen teń tústi. Latvııalyq «Metallýrg» komandasyn 5:0, ýkraınalyq «Sokol» komandasyn 5:1 esebimen jeńdi. Qola medal úshin bolǵan kezdesýde «Barys» ujymy «Vıtebsk» komandasymen qaıta kezdesti. Jarys qojaıyndarymen ótkizgen matchta qazaqstandyq hokkeıshiler 4:3 esebimen jeńiske jetip, úshinshi orynǵa qol jetkizdi. Sonymen qatar týrnırdiń eń úzdik qorǵaýshysy bolyp astanalyq Medet Saparbek atandy.
Aqtyq synda Belarýs pen Reseı komandalary baq synasty. Altyn medal úshin bolǵan tartysta máskeýlik «ıAstreb» komandasynyń kúshi basym túsip, «JelDor» kýbogin qanjyǵasyna saldy.
