Segiz jasar bala mektepti bir jarym jylda aıaqtady
ASTANA. QazAqparat - Belgııa turǵyny Loran Sımons segiz jasynda joǵary synypty bitirip, ýnıversıtetke túsýge daıarlanýda, dep habarlaıdy trend.az.
Loran mekteptiń alty jyldyq kýrsyn bir jarym jylda bitirip, 18 jastaǵy túlektermen birge attestat aldy. Balanyń ata-anasy onyń IQ kórsetkishi 145-ke teń ekendigine sendirýde.
Loran RTBF-ke bergen suhbatynda onyń súıikti páni matematıka ekendigin aıtty. Sebebi, matematıkada algebra da, statıstıka da, geometrııa da bar.
Lorannyń ata-anasynyń aıtýynsha, ol bos ýaqytynda matematıkalyq esepterdi shyǵarǵandy jáne medıtsınalyq kitaptardy oqyǵandy jaqsy kóredi. Buryn ol hırýrg nemese ǵaryshker bolǵysy kelgen, al qazir ınformatıkaǵa bet burýda.
Jas výnderkınd jazǵy demalystardan keıin ýnıversıtetke túspekshi. Ázirge ol eshqandaı oqý ornyn tańdamaǵan, alaıda álemniń barlyq ýnıversıtetterinen usynys alýda.
