Segiz óńirdegi 20 jol ýchaskesinde shekteýler bar - QazAvtoJol

ASTANA. QazAqparat – Osy ýaqytta 8 óńirdegi respýblıkalyq joldarda kólik qozǵalysyna tyıym salynǵan, dep habarlaıdy QazAqparat «QazAvtoJolǵa» silteme jasap.

«15 sáýir saǵat 21:00-degi jaǵdaı boıynsha 8 óńirde (Abaı, Aqmola, Aqtóbe, Atyraý, Batys Qazaqstan, qaraǵandy, Pavlodar jáne Ulytaý) aýa raıynyń buzylýyna baılanysty (jańbyr, qar, burqasyn) respýblıkalyq mańyzy bar joldardyń 20 ýchaskesinde qozǵalysqa shekteý bar. Jabylǵan joldardyń jalpy uzyndyǵy 2841 km nemese respýblıkalyq trassalar jelisiniń 11.4% paıyzy.

Respýblıkalyq avtojoldardy paıdalanýshylardyń nazaryn batys óńirlerde kún raıy kúrt buzylyp jatqanyna aýdaramyz. Shtattan tys jaǵdaı týyndaǵanda 1403 qysqa nomerine qońyraý shalýǵa bolady», - delingen taratylǵan habarlamada.