Segiz óńirde aýa raıyna baılanysty eskertý jarııalandy
NUR-SULTAN. QazAqparat – «Qazgıdromet» RMK aýa raıynyń buzylýyna baılanysty birneshe óńirde eskertý jarııalady, dep habarlaıdy QazAqparat.
16-18 jeltoqsanda Jambyl oblysynyń soltústiginde, taýly jáne taý bókterli aýdandarynda tuman túsedi. Tarazda da 16-17 jeltoqsanda tuman.
16 jeltoqsanda Mańǵystaý oblysynyń ortalyǵynda shańdy daýyl kóteriledi. Ońtústik-shyǵystan jel soǵady, oblystyń batysynda jáne ortalyǵynda ekpini 15-20 m/s jetedi. Aqtaýda 16 jeltoqsanda ońtústik-shyǵystan jel soǵady, túnde jáne tańerteń ekpini 15-20 m/s.
16 jeltoqsanda Qyzylorda oblysynyń ońtústiginde tuman túsedi. Qyzylordada 16 jeltoqsanda keı ýaqytta tuman túsýi yqtımal.
16 jeltoqsanda túnde jáne tańerteń Túrkistan oblysynyń ońtústiginde, taýly, taý bókterli aýdandarynda tuman kútiledi. Shymkentte de, Týrkistanda da 16 jeltoqsanda túnde tuman túsedi.
16 jeltoqsanda Aqmola oblysynyń soltústiginde, shyǵysynda ońtústik-batystan jel soǵady, jyldamdyǵy 15-20 m/s. Kókshetaýda osy kúni ońtústik-batystan jel soǵady ekpini 15 m/s.
16 jeltoqsanda Batys Qazaqstan oblysynyń soltústiginde tuman túsedi. Oralda da 16 jeltoqsanda túnde jáne tańerteń tuman túsýi kútiledi.
Kúndiz 16 jeltoqsanda Soltústik Qazaqstan oblysynyń soltústiginde, shyǵysynda jaıaý burqasyn bolady. Ońtústik-batystan jel soǵady, kúndiz oblystyń batysynda ekpini 15-20 m/s.
16 jeltoqsanda Pavlodar oblysynyń ońtústiginde, batysynda jaıaý borasyn bolýy yqtımal. Ońtústik-batystan, batystan jel soǵady, óńirdiń ońtústiginde, batysynda jyldamdyǵy 15-20 m/s jetedi.
