Segiz óńirde aýa aıyna baılanysty eskertý jarııalandy

ASTANA. QazAqparat – Sınoptıkter Qazaqstannyń birqatar óńirinde aýa raıyna baılanysty eskertý jarııalady, dep habarlaıdy QazAqparat «Qazgıdromet» RMK-ǵa silteme jasap.

Aqmola oblysynyń soltústiginde, shyǵysynda jaıaý burqasyn kútiledi. Batystan, soltústik-batystan jel soǵady, oblystyń soltústiginde, shyǵysynda ekpini 15-20 m/s-qa jetedi. Kókshetaý qalasynda túnde jáne tańerteń batystan, soltústik-batystan jel soǵady, ekpini – 15-20 m/s.

Kúndiz Aqtóbe oblysynyń ortalyǵynda shyǵystan, ońtústik-shyǵystan jel soǵady, ekpini 18 m/s-qa deıin jetedi.

Qyzylorda oblysynda jel shyǵystan soǵady, oblystyń ortalyǵynda kúshi – 15-20 m/s.

Mańǵystaý oblysynda ońtústik-shyǵystan jel soǵady, oblystyń batysynda, ońtústiginde ekpini – 15-20 m/s. Aqtaý qalasynda ońtústik-shyǵystan jel soǵady, kúndiz 15-18 m/s-qa deıin jetedi.

Pavlodar oblysynyń basym bóliginde jaıaý burqasyn kútiledi. Batystan, soltústik-batystan jel soǵady, túnde oblystyń basym bóliginde , kúndiz ońtústiginde ekpini – 15-20 m/s. Pavlodar oblysynyń soltústiginde aýa temperatýrasy kúrt tómendep, 22-27 gradýs aıaz bolady. Pavlodar qalasynda jaıaý burqasyn kútiledi. Batystan, soltústik-batystan jel soǵady, ekpini – 15-20 m/s.

Túnde Soltústik Qazaqstan oblysynyń basym bóliginde qar jaýady. Oblystyń soltústiginde, shyǵysynda, ońtústiginde jaıaý burqasyn kútiledi. Batystan soǵatyn jel soltústik-shyǵysqa aýysady, ekpini 15-20 m/s-qa jetedi. Petropavl qalasynda túnde jaıaý burqasyn kóteriledi. Batystan soǵatyn jel soltústik-shyǵysqa aýysady, túnde ekpini – 15-20 m/s.

Túrkistan oblysynyń ońtústiginde, batysynda, taýly jáne taý bókterli aýdandarynda tuman túsedi. Taý asýlarynda jaıaý burqasyn soǵady. Shyǵystan jel soǵady, oblystyń soltústiginde, taýly aýdandarda kúshi – 15-20 m/s. Túrkistan qalasynda túnde jáne tańerteń tuman túsedi.

Shymkent qalasynda túnde jáne tańerteń tuman túsedi.