Segiz oblys pen elordada aýa raıyna baılanysty eskertý jasaldy
10 tamyz kúndiz Batys Qazaqstan oblysynyń soltústik-shyǵysynda kún kúrkirep, burshaq jaýýy múmkin. Soltústik-shyǵys, shyǵystan jel soǵyp, naızaǵaı jarqyldaıdy, jel ekpini 15-20 m/s deıin jetýi yqtımal. Kúndiz oblystyń ońtústiginde kún 36 gradýsqa deıin ysıdy. Oralda kúndiz naızaǵaı jarqyldaıdy. Soltústik-shyǵys, shyǵystan jel soǵady, naızaǵaı kezinde ekpini 18 m/s jetedi.
10 tamyz túnde Atyraý oblysynyń soltústik, shyǵys, ońtústiginde naızaǵaı kútiledi. Kúndiz 37 gradýs ystyq bolady. Oblystyń soltústiginde órt shyǵý qaýpi saqtalady. Atyraý qalasynda 10 tamyzda kúndiz 36 gradýs ystyq saqtalady.
10 tamyzda Túrkistan oblysynyń soltústiginde, taýly aımaqtarynda naızaǵaı oınap, shańdy daýyl soǵady, soltústik-shyǵystan 15-20 m/s jyldamdyqpen jel soǵady. Oblystyń ońtústigi men shyǵysynda órt shyǵý qaýpi saqtalady.
Sol kúni Qyzylorda oblysynda soltústikten jel soǵyp, kúndiz oblys ortalyǵynda jel jyldamdyǵy 15-20 m/s deıin jetedi. Aýdannyń basym bóliginde, Qyzylordada tótenshe órt shyǵý qaýpi saqtalady.
10 tamyzda Aqmola oblysynyń ońtústik, shyǵysynda, ortalyǵynyń keı jerlerinde qatty jańbyr, naızaǵaı, burshaq jaýýy yqtımal. Túnde jáne tańerteń oblystyń soltústik-batysy men ońtústik-shyǵysynda tuman túsedi. Soltústik-shyǵystan jel soǵyp, kúndiz oblystyń soltústik-batysynda, ońtústiginde, shyǵysynda jel ekpini 15-20 m/s deıin jetedi.
10 tamyzda Qaraǵandy oblysynyń soltústiginde, shyǵysynda jáne ońtústiginde naızaǵaı jarqyldaıdy. Túnde jáne tańerteń oblystyń soltústiginde tuman túsedi. Soltústik-shyǵys, shyǵystan jel soǵyp, naızaǵaı kezinde ekpini 17-22 m/s jetedi. 10 tamyzda Qaraǵandy qalasynda naızaǵaı oınaıdy. Soltústik-shyǵys, shyǵystan jel soǵady, naızaǵaı kezinde ekpini 17 m/s deıin jetýi yqtımal.
10 tamyzda Pavlodar oblysynyń ońtústiginde qatty jańbyr jaýyp, oblystyń ońtústigi men batysynda kún kúrkireıdi. Soltústik-shyǵystan jel soǵyp, kún kúrkireıdi, jel ekpini 15-20 m/s deıin jetedi. 10 tamyzda Pavlodar qalasynda naızaǵaı oınaıdy. Soltústik-shyǵystan jel soǵyp, kún kúrkireıdi, jel ekpini 15-20 m/s deıin jetedi.
10 tamyzda Soltústik Qazaqstan oblysynyń batys, shyǵysynda, kúndiz soltústik, batys, ońtústiginde naızaǵaı oınaıdy. Kúndiz oblystyń batysy men ońtústiginde burshaq jaýýy yqtımal. Túnde jáne tańerteń oblystyń soltústiginde tuman túsedi. Soltústik, soltústik-shyǵystan soǵatyn jel ekpini kúndiz oblystyń soltústiginde, batysynda, ońtústiginde 15-20 m/s deıin jetedi. Petropavl qalasynda 10 tamyzda kúndiz naızaǵaı jarqyldaıdy. Soltústik, soltústik-shyǵystan soǵatyn jeldiń ekpini kúndiz 15-20 m/s deıin jetýi múmkin.
10 tamyzda Nur-Sultanda qatty jańbyr jaýady. Kúndiz naızaǵaı, burshaq jaýady. Túnde jáne tańerteń tuman túsedi. Soltústik-shyǵystan soǵatyn jel jyldamdyǵy kúndiz 15-20 m/s deıin bolady.
