Segiz laýazymdy qyzmetkerge 547 mln. tenge qarajat urlady degen aıyp taǵylyp otyr - Áskerı sot
ASTANA. QazAqparat - Uıymdasqan top quramynda qyzmet babyn paıdalana otyryp, 547 mln. tenge kóleminde aqshalaı qarajatty urlady degen aıyp taǵylǵan áskerı bólimniń segiz laýazymdy qyzmetkerine qatysty qylmystyq is boıynsha aldyn ala tyńdaý ótkizildi.
Bul týraly QR Áskerı sotynyń baspasóz qyzmetinen habarlandy.
«Qylmystyq ister jónindegi mamandandyrylǵan aýdanaralyq áskerı sotynda 2008 jyldyń 1 qańtarynan 2014 jyldyń 31 tamyzyna deıingi ýaqyt aralyǵynda uıymdasqan top quramynda qyzmet babyn paıdalana otyryp, áskerı qyzmetkerlerdiń jáne bólim qyzmetshileriniń kart-shottaryna negizsiz aqsha aýdarý arqyly 547 mln. tenge kóleminde aqshalaı qarajatty urlaǵan degen aıyp taǵylǵan áskerı bólimniń segiz laýazymdy qyzmetkerine qatysty qylmystyq is boıynsha aldyn ala tyńdaý ótkizildi», - delingen habarlamada.
Qorǵaýshy-advokattardyń qoldaý hattary qarastyrylǵan soń, basty sot talqylaýy 2015 jyldyń tamyz aıynyń 24-ne taǵaıyndaldy.
