Sechın endi bes jyldan keıin munaı baǵasy 150 dollarǵa jetedi dep sanaıdy
ASTANA. QazAqparat - «Rosneft» kompanııasynyń prezıdenti Igor Sechın endi birneshe jyldan keıin munaı baǵasynyń barreli 140-150 dollarǵa deıin ósedi, dep sanaıdy. Bul týraly ol Bloomberg agenttigine bergen suhbatynda málim etti, dep habarlady reseılik «Jańalyqtar» agenttigi.
«Búginde álemde jumys jasap turǵan baıyrǵy kenishterdiń qory azaıyp keledi. Endi aldaǵy ýaqytta naryq bizdiń ınvestıtsııalarymyzdy aqtaıtyn baǵa usynary sózsiz. Bes-jeti jyldan keıin barreli 140, tipti 150 dollarǵa deıin jetýi ábden múmkin. Ony ýaqyt kórsetedi», - dedi Sechın.
«Rosneft» basshysy jaqynda ashylǵan Karsk teńizindegi kenishten munaı óndirý jeti jyldan keıin bastalatynyn aıtty. «Munaı óndirisi munda ortasha eseppen jeti jyldan keıin bastalady. Eger naryq bizden jumysty shapshańdatýdy talap etse, biz ony jedeldete alamyz», - dedi ol.
«Búginde biz tapqan munaı hımııalyq sıpattamasy jaǵynan Siberian Light munaıynyń sapasyna sáıkes keledi. Brent deńgeıine de jetip qalýy múmkin. Qaıtkende de bizdiń ınvestıtsııalarymyz ózin aqtaıdy dep senemin», - dep qosty ol.
Qyrkúıektiń sońynda munaıǵa álemdik baǵalardyń tómendeýine baılanysty suraqqa ol, ol barreline 90 barrelden tómendemeıdi, «Rosneft» bıýdjeti mundaı tómendeýden zardap shekpeıdi, dep jaýap qaıtardy.
«Munaı barreliniń baǵasy 90 dollardan tómen túspeıdi. Bul birqatar faktorlarǵa baılanysty. 90 dollar da jaman baǵa emes., Onymen jumys jasaýǵa bolady. «Rosneft» bıýdjeti zardap shekpeıdi», - dedi Sechın.
