Sebastıan Fettel Bahreınde «Formýla-1» Gran-prıin enshiledi
ASTANA. 22 sáýir. QazAqparat - Bahreınde avtojarystyń «Formýla-1« chempıonatynyń tórtinshi kezeńinde Gran-prıdi «Red Býll» komandasynyń sańlaǵy Sebastıan Fettel jeńip aldy.
Bul úsh dúrkin chempıonnyń atalmysh maýsymdaǵy ekinshi jeńisi. Buǵan deıin ol Malaızııadaǵy Gran-prıdi oljalaǵan bolatyn.
Bahreındegi báıgede «Lotýs» komandasynyń shabandozy Kımı Raıkkonen máre syzyǵyn ekinshi bolyp kesti. Onyń quramadaǵy áriptesi Romen Grojan úshinshi júldege ilikti.
