Science jýrnaly: Ǵalamsharda qum taýsylyp qalýy múmkin
ASTANA. QazAqparat - Science jýrnalynda jarııalanǵan zertteý avtorlary álem kóshbasshylaryn taý ken qazý ónerkásibi men qum satylymyna halyqaralyq erejeler qalyptastyrýǵa shaqyrdy. Olaı bolmaǵan jaǵdaıda, jaqyn arada jer betinde qum qalmaı qalýy ábden múmkin.
Ǵalymdardyń aıtýynsha, taıaý aradaǵy Hıýston, Bangladesh jáne Nepalda bolǵan sý tasqyny saldarynan teńiz deńgeıiniń artýy qumǵa degen suranysty arttyra túsedi.
«Álem boıynsha qum jáne qıyrshyq tas óndirisi jylyna óndiriletin barlyq materıaldardyń 68-85 paıyzyn quraıdy jáne bul kórsetkish ósip keledi. Qum - shekteýli resýrs, alaıda ázirge suranystardyń usynystardan asyp túsý-túspeýi belgisiz», - deıdi mamandar.
«Qum áınek pen túrli elektronıka óndirisinde jáne jer qyrtystarynyń gıdravlıkalyq ajyratýyna paıdalanylady. Osyǵan baılanysty, taý jynystaryn zańsyz satýmen aınalysatyn «qum mafııasy» da paıda bolǵan», dep jazady ǵylymı jýrnal.
