Şýchınskte armrestlıngten Azııa chempıonaty ótedi
ASTANA. QazAqparat - Aqmola oblysynyń Şýchınsk qalasynda armrestlıngten Azııanyń 17-shi chempıonaty ótedi, dep habarlaıdy QazAqparat QR MSM Sport jáne deneshynyqtyrý komıtetiniń saıtyna silteme jasap.
Armrestlıng sportyn damytý maqsatynda ótetin birinshilik 19 sáýirde ashylyp úsh kúnge sozylady. Şýchınskidegi «Jaqsy» sportkesheninde ótkiziletin týrnırge Azııa qurlyǵynyń 14 memleketinen 600 jýyq sportshy qatysady.
Jarysqa elimizdiń jasóspirimder, jastar, ardagerler, múmkindigi shekteýli azamattary men bastapqy quram qatysady. Týrnır áıelder men erler arasynda bólek júrgiziledi. Erler 11 salmaq dárejesi boıynsha: 55, 60, 65, 70, 75, 80, 85, 90, 100, 110 jáne 110 kg joǵary, áıelder 7 salmaq dárejesi boıynsha: 50, 55, 60, 65, 70, 80, 80 kg joǵary synǵa túsedi.
Aıta keterligi, armrestlıngten Azııa chempıonaty elimizde úshinshi ret ótkizilip otyr. Eń alǵash ret 2008 jyly Óskemen qalasynda uıymdastyrylǵan, 2011 jyly týrnır Almatyda ótti.
Jyldan jylǵa armrestlıngtiń tanymaldylyǵy halyq arasyndy artyp keledi. Bul barlyǵyn qoljetimdi buqaralyq sport túri. Qazaqstan quramasy armrestlıng boıynsha Azııa qurlyǵynda jetekshi orynda. Al, sońǵy jyldary tipti álem elderi ishinde úshtikke kiredi.
Chempıonatty QR Mádenıet jáne sport mınıstrligi Sport jáne dene shynyqtyrý isteri Komıteti, Aqmola oblysynyń ákimdigi, Aqmola oblysy dene shynyqtyrý jáne sport basqarmasy, « Gir sporty jáne armsport Federatsııasy» RQB uıymdastyrady.
