Şýchınskide jas jigit 5-shi qabattan sekirip ketti
KÓKShETAÝ. QazAqparat - Aqmola oblysynda 20 jastaǵy jigit besinshi qabattan sekirip ketti, dep habarlaıdy QazAqparat tilshisi ІІD baspasóz qyzmetine silteme jasap.
Polıtseılerdiń málimeti boıynsha, oqıǵa búgin Şýchınsk qalasyndaǵy Borovskoı kóshesi, № 66-úıde bolǵan.
«Saǵat 16:15 Býrabaı aýdandyq ІІB kezekshilik bólimine Şýchınsk qalasynyń turǵyny telefon shalyp, 5-qabattaǵy terezeden jigittiń sekirip ketkenin habarlaǵan. Oqıǵa ornyna dereý jedel tergeý toby jetti», - dep túsindirdi ІІD baspasóz hatshysy Gúlnár Pınchýk.
Vedomstvonyń deregi boıynsha, jigit Birjan sal aýdany Úlgi aýylynyń 20 jastaǵy turǵyny osylaısha óz ómirimen qoshtaspaq bolǵan.
Jigit túrli dene jaraqtymen Şýchınskidegi aýdandyq aýrýhanaǵa jatqyzyldy. Onyń mundaı qadamǵa nelikten barǵany ázirge belgisiz. Oqıǵaǵa baılanysty tergeý bastaldy.
