Şýchınskide polıtsııanyń front-keńsesi ashyldy
KÓKShETAÝ. QazAqparat – Şýchınsk qalasynda HQO qaǵıdasy boıynsha jumys isteıtin polıtsııanyń front-keńsesi ashyldy, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.
Vedomstvonyń málimetinshe, front-keńse turǵyndarmen jumys isteýde jańa formatty engizý azamattardyń quqyq qorǵaý organdaryna degen senimin nyǵaıtyp, ótinish qabyldaý kezinde ákimshilik kedergilerdi joıýǵa múmindik beredi.
«Front-keńseniń qabyldaý bólmesinde aldyn ala bekitilgen keste boıynsha prokýror jáne polıtsııa qyzmetkeri azamattardyń ótinish-aryzdaryn qabyldaıdy», - deıdi vedomstvodan.
Bul – Şýchınsk – Býrabaı kýrortty aımaǵynda ashylyp otyrǵan alǵashqy front-keńse. Munda turǵyndardy qabyldaý úshin barlyq jaǵdaı jasalǵan. Nysanda azamattardyń aryz-shaǵymdaryn qabyldaıtyn arnaıy bólmeler men arnaıy tólem jasaı termınaldar da bar. Tegin Wi-Fi ınternet jelisi, «Adaldyq dúkeni» jumys isteıdi. Aldaǵy ýaqytta oblystyń basqa qalalary men aýdandarynda da azamattarǵa arnalǵan osyndaı front-keńse ashý josparda bar.
Aýdanǵa jumys saparymen barǵan Aqmola oblystyq polıtsııa departamentiniń basshysy, polıtsııa general-maıory Berik Bılıalov front-keńseniń jumysymen tanysty. Aqmola oblystyq polıtsııa departamentiniń jeke quramymen májilis ótkizdi jáne jeke máseleleri boıynsha turǵyndardy qabyldady.
