Şýchınskide ІІB əkimshilik ǵımaraty paıdalanýǵa berildi
KÓKShETAÝ. QazAqparat-Qazaqstan polıtsııasy kúni qarsańynda Şýchınsk qalasynda Býrabaı aýdandyq ІІB jańa ákimshilik ǵımaraty paıdalanýǵa berildi. Nysannyń ashylý rásimine QR Іshki ister mınıstriniń birinshi orynbasary, general-maıor Janat Súleımenov, Aqmola oblysynyń əkimi Məlik Myrzalın qatysyp, quttyqtaý sóz sóıledi, dep habarlaıdy QazAqparat tilshisi.
«Memleket basshysy men Úkimettiń qoldaýy nátıjesinde ishki ister organdarynyń materıaldyq-tehnıkalyq jaǵdaıy jyl ótken saıyn jaqsaryp keledi. Búgin mine, kýrortty aımaqtyń qaýipsizdigin qamtamasyz etetin quqyq qorǵaý organdary qyzmetkerleriniń jańa əkimshilik ǵımaratyn paıdalanýǵa berip otyrmyz», - dedi quttyqtaý sóz sóılegen Іshki ister mınıstriniń orynbasary Janat Súleımenov.
Jıynǵa qatysqan aımaq basshysy Məlik Myrzalın Şýchınsk-Býrabaı kýrorty aımaǵyna demalýǵa keletin qonaqtar ózderin jaıly ári qaýipsiz sezinýi úshin bar kúshterin salatyn aýdandyq ishki ister bóliminiń qyzmetkerlerine júkteler jaýapkershilik zor ekenin atap ótti. Sonymen qatar, otstavkadaǵy polıtsııa polkovnıgi Dýlatbek Muqyshev sóz sóılep, óziniń júrekjardy tilegin arnady.
ІІB úsh qabatty ǵımaratynda kóshi-qon qyzmeti men basqa da bólinister bar. Sondaı-aq, ǵımaratta kezekshi bólimi men ýaqytsha ustaý ızolıatory ornalasqan. Jańa ǵımarat qazirgi zamannyń barlyq talaptaryna sáıkes jabdyqtalǵan. Munda aýdandyq ishki ister organdarynyń qyzmetkerleri úshin qoǵamdyq tártipti qamtamasyz etý, azamattardyń quqyqtaryn qorǵaý, qylmystyq isterdi tergeý jáne qylmyspen kúres boıynsha jáne ózge de barlyq qajetti jaǵdaılar jasalǵan. Aımaq basshysy men QR ІІM birinshi orynbasary jańa ǵımaratty aralap, ishki jabdyqtarymen, sondaı-aq, kólik polıtsııasynyń qyzmet atqaratyn oryndarymen tanysyp shyqty.
Saltanatty shara barysynda Býrabaı aýdany men Şýchınsk qalasy ІІB úshin 20 avtokóliktiń kiltteri tapsyryldy.
