Şýchınskide Freedom House zamanaýı kampýsy boı kóteredi
Jobany Freedom kompanııalar toby iske asyrady. Zamanaýı keshen Shortandy kóliniń jaǵasynan oryn tebedi. Qurylys jospary boıynsha, jańa kampýsta 420 oryndyq amfıteatr, ınnovatsııalyq jabdyqtarmen jabdyqtalǵan planetarıı, jaratylystaný pánderin zertteýge arnalǵan zamanaýı kabınet, 7 myń kitap qory bar kitaphana jáne ashyq terrasa bolady. Qurylys aıaqtalǵan kezde qoldanystaǵy daryndy balalarǵa arnalǵan mekteptiń syıymdylyǵy 120 oqýshy ornyna artady dep josparlanǵan.
Aıta ketý kerek, IQanat High School of Burabay – emtıhandarǵa daıyndalýǵa, salaýatty ómir saltyn ustanýǵa jáne aýyldan jınalǵan joǵary synyp oqýshylarynyń shyǵarmashylyq áleýetin damytýǵa basa nazar aýdaratyn jeke mektep-ınternat. Mektep jańa tehnıkamen jabdyqtalǵan. Sondaı-aq, zamanaýı synyptar men zerthanalary, sport ortalyqtary men, kitaphanalar, mýzykalyq klýbtar bar. Ornalasqan jeri de kól jaǵalaýyndaǵy biregeı oryn.
IQanat mektebinen túlep ushqan aýyl oqýshylary Qazaqstannyń jáne sheteldiń joǵary reıtıngte turǵan oqý oryndarynan grant ıelenip keledi.
Şýchınsk qalasynda ótken saltanatty sharaǵa Aqmola oblysy ákiminiń orynbasary Malǵajdar Tatkeev, IQanat jobasynyń bastamashysy jáne qamqorshysy Aıdyn Rahymbaev, IQanat qamqorshysy, Freedom Holding Corp bas atqarýshy dırektory Tımýr Týrlov, mektep túlekteri men oqýshylary qatysty.
Tımýr Týrlov 2019 jyldan beri IQanat jobasynyń qamqorshysy bolyp keledi. Buǵan deıin Túrkistan, Qyzylorda, Pavlodar, qazirgi Jetisý oblystarynyń shalǵaı aýdandarynan kelgen daryndy balalardy qoldap, motıvatsııalyq kezdesýler ótkizý arqyly óskeleń urpaqtyń bilim deńgeıin arttyrýǵa barynsha úles qosýǵa umtylyp júr.
«Búgingi sapaly bilim – erteńgi tabysty bolashaqtyń kepili. Bul jaǵynan IQanat mektebi Qazaqstandaǵy eń ozyq mektepterdiń biri bolyp otyr. Munda oqýshylardyń bilimdi, bilikti azamat bolyp er jetýine, darynyn shyńdap, qabiletin damytýǵa búkil jaǵdaı jasalǵan. Biraq eń mańyzdysy, mektep elimizdiń túkpir-túkpirinen kelgen balalarǵa birdeı múmkindik beredi. Búgingi tańda IQanat mektebinde tegin bilim júrgen daryndy oqýshylardyń 80%-dan astamy aýyldan shyqqan. Mektep túlekteri otandyq jáne sheteldik iri ýnıversıtetterdiń grantyn ıelenip júr. Freedom House qoldaýymen bilim oshaǵynyń syıymdylyǵy taǵy 120 orynǵa artpaq. Sol arqyly biz erteń elimizdiń zııatkerlik, bıznes nemese saıası elıtasyna aınalatyn jastardy kóbirek tárbıeleı alamyz», - dedi Freedom Holding Corp. bas atqarýshy dırektory.
Al jobanyń bastamashysy Aıdyn Rahımbaev IQanat mektepteri el erteńine beıjaı qaramaıtyn kásipkerlerdiń qoldaýynyń arqasynda irgesin keńeıtip jatqanyn aıtady.
«IQanat aýyldarda bilim berý máselelerin sheshýge beı-jaı qaramaıtyn qazaqstandyq kásipkerlerdiń basyn biriktirip otyr. Qazir munda bilim alyp júrgen belsendi ári jigerli jetkinshekter bolashaqta osy mıssııany jalǵastyrady», - dedi ol.
Jańa kampýstyń qurylysyn 2023 jyldyń úshinshi toqsanynda aıaqtaý kózdelip otyr.
Freedom Finance – álemniń 13 elinde ókildigi bar halyqaralyq deńgeıdegi júıe quraýshy ınvestıtsııalyq kompanııa. Kásiporyn Freedom Holding Corp halyqaralyq ınvestıtsııalyq tobyna kiredi. Naryqta 2008 jyldan beri jumysp keledi. Freedom Holding Corp aktsııalary NASDAQ Capital Market-te «FRHC» belgisimen erekshelengen. Holdıngtiń qyzmetin Baǵaly qaǵazdar jáne bırjalar jónindegi komıssııa (ÁKK, AQSh) retteıdi.
