Şýchınsk-Zerendi avtojolyn qaıta jóndeý 2019 jyly aıaqtalady
ASTANA. QazAqparat - Aqmola oblysynda uzyndyǵy 80 km bolatyn Şýchınsk-Zerendi avtojolyn qaıta jóndeý jumystary bastaldy, dep habarlaıdy «Qazaqparat» «NK «QazAvtojol» AQ-nyń baspasóz qyzmetine silteme jasaı otyryp.
Ulttyq kompanııanyń aqparatyna qaraǵanda, qaıta jóndeý jumystaryn 2019 jyly aıaqtaý josparlanǵan. Sonymen qatar, Qorǵaljyn qoryǵyndaǵy Astana-Qorǵaljyn avtojolynyń bóligine (40 km) aǵymdaǵy jyly ortasha jóndeý jumystary júrgizilýde.
Sondaı-aq, Şýchınsk-Býrabaı avtojolynyń 16 km bóligine de ortasha jóndeý jumystary júrgiziledi. Býrabaı aýylynyń ortalyǵynda da 2 km avtojol jóndelgen.
«Jaıaý júrginshilerge qolaıly bolý úshin túngi jaryqtary bar arbat jasalyp, turǵyndar men týrısterge demalý úshin oryndyqtar qoıylǵan. Avtokóliktiń kóp kelýi jáne úzdiksiz qozǵalysqa baılanysty jeńil kólikterge arnalǵan turaqtar jasalǵan. Qazirgi zamanǵa saı aıaldama pavılondary men qorshaýlar ornatylǵan. Qazirgi ýaqytta Býrabaı aýylynda jóndeý jumystary tolyqtaı aıaqtaldy», delingen habarlamada.
