Şýchınsk qalasynda jańa ІT mektep-lıtseı paıdalanýǵa beriledi
KÓKShETAÝ. QazAqparat - Bıyl Aqmola oblysynyń Şýchınsk qalasynda jańa ІT mektep-lıtseı paıdalanýǵa beriledi, dep habarlaıdy QazAqparat tilshisi.
Aqmola oblysy bilim basqarmasynyń málimetinshe, jańa mektep 800 oqýshyǵa arnalǵan, onyń 135-i ınternatta jatyp oqı alady. Eki qabatty ǵımarat oqý korpýsy jáne mektepke deıingi ınternattan turady. Mektepte qoǵamdyq-gýmanıtarlyq baǵyttaǵy 18 pán kabınetteri, jaratylystaný-matematıkalyq baǵyttaǵy 7 zerthana qarastyrylǵan. Sonymen qatar, mekteptiń 4 avtobýsyna arnalǵan garaj bolady.
«Jańa bilim ordasynyń ashylýy qalada mekteptegi oryn tapshylyǵyn azaıtady. Aýyl balalarynyń ІT mektep-lıtseıde sapaly bilim alýyna jaǵdaı jasaıdy. Mektepti aldaǵy oqý jylynyń basynda paıdalanýǵa berý josparlanyp otyr», - deıdi bilim basqarmasyndaǵylar.
