Şýchınsk-Býrabaı shıpajaı aımaǵyna gaz jetkizý jumysy 2018 jyly bastalady

ASTANA. QazAqparat - Aqmola oblysynyń ortalyǵy Kókshetaý qalasy men Şýchınsk-Býrabaı shıpajaı aımaǵyn gazdandyrý jumysy kelesi jyly bastalady, dep habarlaıdy «QazAqparat» HAA tilshisi.

«Óńir úshin ózekti máselelerdiń biri - keshendi túrde gaz tartý bolyp tabylady. Gazǵa qatysty másele - eń basty jumystardyń biri. Biz Astanada tabysty jumys atqaryp jatqan «Global Gas Group» kompanııasymen birlesip, Kókshetaý qalasy men Şýchınsk-Býrabaı shıpajaı aımaǵyn gazdandyrý jumysyn 2018 jyly bastaýdy josparlap otyrmyz», - deıdi Aqmola oblysynyń ákimi Málik Myrzalın OKQ-da ótken baspasóz máslıhaty barysynda.

Ákimdiktiń resmı málimetine júginsek, reseılik «Gazprom Eksport» kompanııasymen jyl saıyn 320 myń tonna tómendetilgen tabıǵı gaz jetkizip turý jóninde kelisimge qol qoıylyp qoıǵan.

Sonymen birge, óńirde qýattylyǵy 100 megavattyq jel parki men quny 192 mıllıon teńge kún elektrstansasyn salý kózdelip otyr.