Şýchelik shańǵyshy Shyǵys Eýropa kýbogy jarysynda úshinshi oryn aldy
KÓKShETAÝ. QazAqparat - Şýchelik sportshy Konstantın Bortsov shańǵy jarysynan Shyǵys Eýropa kýbogynyń qurlyqtyq jarysynda úshinshi oryn aldy, dep habarlaıdy QazAqparat tilshisi Aqmola oblysynyń dene shynyqtyrý jáne sport basqarmasynyń baspasóz qyzmetine silteme jasap.
Vedomstvonyń málimetinshe, Şýchedegi shańǵy sportynan ulttyq ortalyqta shańǵy jarysynan Shyǵys Eýropa kýbogynyń qurlyqtyq jarysy ótti.
«10 shaqyrym qashyqtyqqa klassıkalyq ádis boıynsha jekeleı jarysta áıelder arasynda belarýs qyzy Anastasııa Kırılova top jarsa, odan keıingi ekinshi jáne úshinshi oryndardy reseılik Darıa Ragozına men Natalıa Barakına ózara bólisti.
Erler arasynda Reseı shańǵyshysy Ermıl Vokýev máre syzyǵyna birinshi keldi. Onyń jerlesi Andreı Parfenov ekinshi nátıje kórsetti. Al, otandasymyz Konstantın Bortsov úshinshi jetti»,- deıdi vedomstvonyń baspasóz hatshysy Mahabbat Bolshına.
