Şýchedegi tramplın kesheni qurylysy qashan aıaqtalatyny belgili boldy
«Bul shyndyǵynda da sportty damytý úshin álemdik deńgeıdegi biregeı ortalyq. Onda respýblıkalyq sport mektebi ornalasatyn bolady. Qurylys jumystarynyń aıaqtalýy 2018 jyldyń ekinshi toqsanyna belgilengen. Menińshe, mamyr-maýsym aıynda atalǵan nysandy paıdalanýǵa beretin bolamyz», - dedi ol BAQ ókilderiniń saýalyna oraı.
Onyń sózine qaraǵanda, sport kesheni qysqy sport túrlerine tikeleı jaýap beretin halyqaralyq sanattaǵy mamandardyń qatysýmen salynyp jatyr.
«Árıne, olardyń qorytyndysyz, usynystarynsyz biz qurylys máselelerin júrgizbeımiz. «Jel raýshanyna» qatysty qaýip, onyń maqsatqa saı emestigi máselesin biz tyńǵylyqty talqyǵa saldyq. Halyqaralyq olımpıda komıtetiniń, Halyqaralyq federatsııalar komıtetiniń mamandarynyń barlyǵy da joǵary baǵa berdi», - dedi Arystanbek Muhamedıuly.
Esterińizge sala ketsek, 2016 jyldyń aqpan aıynda Mádenıet jáne sport mınıstri Arystanbek Muhamedıuly Aqmola oblysyna qarasty Şýchınsk qalasynda salynyp jatqan halyqaralyq shańǵy ortalyǵy 2016 jyly iske qosylatyndyǵyn aıtqan bolatyn.
