Şýchedegi soǵys ardagerleriniń memorıaldyq eskertkishi jańartyldy

KÓKShETAÝ. QazAqparat - Jeńis kúnine oraı Şýche qalasynda Ekinshi dúnıejúzilik soǵys ardagerleri alleıasynyń memorıaldyq bóligin abattandyrý jumystary aıaqtaldy, dep habarlaıdy QazAqparat tilshisi.

Býrabaı aýdany ákimdiginiń málimetinshe, jóndeý jumystaryn «RG GOLD» jaýapkershiligi shekteýli seriktestiginiń qarajaty esebinen merdiger – «SK Osnovanıe» seriktestigi júrgizdi.

Jóndeý jumystary barysynda Máńgilik alaý aýystyryldy, eskisin bólshekteý kezinde «Erligi úshin» medali tabyldy. Asfalttyń ornyna beder tas tóseldi. Úlken ári ártúrli pishindi oryndyqtar ornatyldy, Máńgilik alaýǵa tartylǵan gaz qubyry men memorıaldyq taqtanyń qasbeti keramogranıtke aýystyryldy.

«Aýdan turǵyndary atynan Şýchınsk qalasynyń vızıt kartochkalarynyń biri sanalatyn nysandy abattandyrýǵa úles qosqan azamattarǵa alǵys bildiremin. Jańarǵan nysan qalanyń kórikti jerleriniń biri bolyp qana qoımaı, batyrlarymyzdyń erligin eske salyp turady», - dedi aýdan ákimi Áset Muzdybaev.