Şýchedegi fýtbol alańynda 10 jasar balanyń jaraqattanýyna qatysty qylmystyq is qozǵaldy

ŞÝChЬE. QazAqparat - Aqmola oblysynyń Şýche qalasynda 10 jasar balanyń fýtbol alańynda jaraqat alýyna baılanysty polıtsııa qylmystyq is qozǵady, dep habarlaıdy QazAqparat tilshisi.

Oblystyq Polıtsııa departamenti baspasóz qyzmetiniń málimetinshe, 17 tamyzda saǵat 17:00 shamasynda Şýche qalasynda ornalasqan fýtbol alańdarynyń birinde 9 jasar bala jaraqat alǵandyǵy týraly aqparat túsken.

«Bala Şýche qalasynda úıiniń aýlasyndaǵy fýtbol alańynda oınap júrgen kezinde jaraqat alǵan. Onyń betine, ıaǵnı kóz tusyna qorshaýdyń úshkir temiri shanshylyp qadalǵan. Osyǵan baılanysty Qylmystyq kodekstiń 278-babynyń birinshi bóligi «sapasyz qurylys» boıynsha sotqa deıingi tergeý amaldary qolǵa alyndy. Tergeý amaldary barysynda belgili bolǵandaı, atalǵan fýtbol alańy Býrabaı aýdandyq turǵyn úı-kommýnaldyq sharýashylyq jáne turǵyn úı ınspektsııasy bóliminiń balansynda bolǵan. Qazirgi ýaqytta birqatar sot saraptamalary taǵaıyndalyp, tergeý amaldary júrgizilýde», - dedi vedomstvodan.

Dárigerlerdiń aıtýynsha, qazirgi kezde balanyń jaǵdaıyn turaqty. Onyń betine ota jasalyp, bógde zat alyndy.

«Balanyń betine qadalǵan úshkir temirdi alý barysynda kózi men mıyna jáne úlken qan tamyrlaryna zaqym kelgen joq. Jaq-bet hırýrgi D. Fedorov, LOR-dáriger G.Júnisova jáne neırohırýrg N.Ysqaqov sııaqty dárigerler kásibı sheberlik tanytty», - dedi Aqmola oblystyq kópsalaly balalar aýrýhanasynyń bas dárigeri Serikjan Sabyrálıev.

Aıta ketsek, Aqmola oblysynda bir úıdiń eki balasy tútinge tunshyǵyp qalǵan edi.