Şýchede Shyńǵys Temirbekovti uryp-soǵyp óltirgen kúdiktiniń ústinen is qozǵaldy
KÓKShETAÝ. QazAqparat – Şýche qalasynyń turǵynyn uryp-soǵyp óltirý oqıǵasyna baılanysty polıtsııa kúdiktini ustap, ústinen is qozǵady. Bul týraly QazAqparat tilshisi Aqmola oblystyq PD baspasóz qyzmetine silteme jasap habarlaıdy.
Vedomstvodan atap ótkendeı, 23 mamyrda Şýche turǵyny Shyńǵys Temirbekovtiń densaýlyǵyna aýyr dene jaraqatyn salý boıynsha QR QK 106-babynyń 1- bóligi boıynsha (densaýlyǵyna qasaqana aýyr zalal keltirý) sotqa deıingi tergeý amaldary qolǵa alynǵan bolatyn. Keıin 25 mamyrda osy iske qatysty kúdikti Býrabaı aýdandyq PB ýaqytsha ustaý oqshaýlaǵyshyna qamaldy. Al, 27 mamyrda Býrabaı aýdandyq soty kúdiktige qatysty «úı qamaqqa» alý týraly sanktsııa qoldandy.
«Zardap shegýshiniń ólimine baılanysty 2020 jylǵy 30 mamyrda qylmystyq is QR Qylmystyq kodeksiniń 106-baby 3-bóligine (Abaısyzda adam ólimine ákelip soqtyrǵan, densaýlyǵyna qasaqana zalal keltirý) aýystyryldy. Kúdikti Býrabaı aýdandyq PB ýaqytsha ustaý oqshaýlaǵyshyna qaıta qamaldy. Qylmystyq is PD bastyǵynyń baqylaýyna alyndy», - dep túsindirdi QazAqparat tilshisiniń saýalyna PD baspasóz qyzmetindegiler.
Aıta keteıik, osy oqıǵaǵa qatysty birqatar BAQ kózderinde marqumnyń eks ákim ekeni habarlanǵan edi.
Foto: khabar.kz
