Şýchede qonaqúı órtenip, 1 adam qaza tapty, 50 adam evakýatsııalandy
KÓKShETAÝ. QazAqparat - Aqmola oblysynyń Şýche qalasynda qonaqúı órtendi, dep habarlaıdy QazAqparat tilshisi aýmaqtyq TJD baspasóz qyzmetine silteme jasap.
Vedomstvonyń málimetinshe, jeltoqsannyń 26-da túngi saǵat 22:50-de Şýche qalasynyń Abylaı han kóshesi 43 mekenjaıy boıynsha ornalasqan 6 qabatty qonaqúıden órt shyqty.
«Órt tórtinshi qabattaǵy nómirlerdiń birinen shyqty. 15 sharshy metr aýmaqty sharpyǵan jalyn, saǵat 23:13-te sóndirildi. Oqıǵa ornynan 1970 jylǵy er adamnyń kúıgen denesi tabyldy, sondaı-aq taǵy bir adam qutqarylyp, 50 adam qaýipsiz jerge shyǵaryldy», - deıdi TJD baspasóz hatshysy Dınara Esenbaeva.
Vedomstvodan atap ótkendeı, tilsiz jaýdy aýyzdyqtaýǵa TJD jeke quramynan 24 qyzmetkeri men 5 arnaıy tehnıkasy, Býrabaı aýdandyq ІІB kezekshi jedel tergeý tobynyń 4 qyzmetkeri men 1 tehnıkasy jumyldyryldy.
Aldyn ala derekter boıynsha órt otty qoldanǵan kezde saqtyq sharalary eskerilmegendikten oryn alǵan.
