Şýchede kólik turbasynan shyqqan gazǵa ýlanǵan eki adamnyń biri kóz jumdy, ekinshisiniń jaǵdaıy aýyr
KÓKShETAÝ. QazAqparat – Aqmola oblysynyń Şýche qalasynda garajda turǵan kóliktiń ishinde bolǵan eki er adamǵa ıis tıgen. Onyń biri – 39 jastaǵy er adam jedel járdem kelgenshe kóz jumdy, dep habarlaıdy QazAqparat tilshisi oblystyq TJD baspasóz qyzmetine silteme jasap.
Vedomstvonyń málimetinshe, kóz jumǵan er adam 1980 jylǵy. Al, onyń qasynda bolǵan 1981 jylǵy er adam aýyr jaǵdaıda aýrýhanaǵa tústi. Qaıǵyly oqıǵa 21 jeltoqsan kúni bolǵan.
«Aldyn ala málimet boıynsha, ekeýiniń de kólik turbasynan shyqqan gazdan ýlanǵany anyqtalyp otyr. Qazir osy oqıǵa baılanysty sot-medıtsınalyq saraptama júrgizilýde», - dep túsindirdi baspasóz qyzmetindegiler.
