Şýchede bıatlonnan jasóspirimder arasynda Azııa chempıonaty ótedi
KÓKShETAÝ. QazAqparat - 10-20 naýryz aralyǵynda Şýchede bıatlonnan jasóspirimder men jetkinshekter arasyndaǵy Azııanyń ashyq chempıonaty ótedi, dep habarlaıdy QazAqparat tilshisi QR Ulttyq olımpıada komıtetiniń baspasóz qyzmetine silteme jasap.
Qysqy sport túrleri boıynsha Olımpıadalyq daıarlaý ortalyǵynyń sport bazasynda Qazaqstan, Mońǵolııa jáne Qyrǵyzstannan 100-ge jýyq jasóspirimder men jastar bas qosady.
Aıta ketsek, «ASIAN OPEN CHAMPIONSHIP» ótkizilýiniń basty maqsattarynyń biri - 2023 jyly ótetin jasóspirimder arasyndaǵy álem chempıonatyna daıyndalý. Bizdiń odaǵymyz otandyq bıatlon tarıhynda alǵash ret aýqymdy halyqaralyq jarysqa ótinimdi jeńip aldy. Soǵan oraı, Halyqaralyq Bıatlonshylar Odaǵy (IBU) tarapynan arnaıy tóreshiler semınary men emtıhan ótkizilip, onyń qorytyndysy boıynsha odaǵymyzdyń 14 tóreshileri halyqaralyq sanatyn aldy.
Sonymen qatar, Azııanyń ashyq chempıonatynda Qazaqstan bıatlonshylar odaǵy tarapynan sprınt jáne jeke jarystardyń qorytyndysy boıynsha jeńimpazdar men júldegerlerge aqshalaı syılyqtar tabystalady.
