Şýchede bıatlonnan QR chempıonaty ótti
KÓKShETAÝ. QazAqparat - Aqmola oblysynyń Şýche qalasynda bıatlonnan QR chempıonaty ótti, dep habarlaıdy QazAqparat tilshisi.
Aqmola oblystyq dene shynyqtyrý jáne sport basqarmasy baspasóz qyzmetiniń málimetinshe, jarysqa elimizdiń ár óńirinen jınalǵan kileń myqty 100-den astam sportshy qatysty.
Jas bıatlonshylar jekeleı jarys, masstart jáne estafeta kezeńderi boıynsha synǵa tústi.
«Chempıonat qorytyndysy boıynsha aqmolalyq sportshylar 5 altyn, 3 kúmis jáne 2 qola medal ıelendi. Jalpy, komandalyq esep boıynsha 884 upaı jınaǵan Shyǵys Qazaqstan oblysynyń quramasy birinshi, odan keıin 765 upaımen Aqmola oblysynyń quramasy ekinshi jáne 402 upaı jınaǵan Pavlodar oblysynyń quramasy úshinshi oryn ıelendi», - deıdi vedomstvonyń baspasóz hatshysy Mahabbat Bolshına.
