Şýchede armrestlıngten Azııa chempıonaty ótýde
KÓKShETAÝ. QazAqparat-Aqmola oblysynyń Şýche qalasynda armrestlıngten 7-shi Azııa chempıonaty ótýde, dep habarlaıdy QazAqparat tilshisi.
Aqmola oblysynyń dene shynyqtyrý jáne sport basqarmasy baspasóz qyzmetiniń málimeti boıynsha, jarysqa Qazaqstan, Japonııa, Ońtústik Koreıa, Úndistan, Mońǵolııa, Qyrǵyzstan, Ózbekstan Tájikstan jáne Iran elderinen kelgen 700-ge jýyq sportshy qatysýda. Jeńimpazdar erler, áıelder, uldar men qyzdar, ardagerler, sondaı - aq, múmkindigi shekteýli jandardyń arasynda anyqtalýda. Jarystyń alǵashqy kúni aqmolalyqtar túrli deńgeıdegi 9 medalǵa qol jetkizdi.
«Jeńiske jetý ońaı sharýa emes. Chempıonatqa ár elden kelgen kileń myqty sportshylar qatysýda. Degenmen, óz elimizde ótip jatqan soń, namysty qoldan bermeýge tyrysyp baǵýdamyz», - deıdi Azııanyń eki dúrkin chempıony Andreı Pýtıntsev.
Aıta keteıik, osy kúni Aqmola oblysynyń dene shynyqtyrý jáne sport basqarmasy tarapynan buqaralyq sportty damytýǵa zor kóńil bólinýde.
Qazaqstan quramasy osy sport túri boıynsha álemdegi eń myqtylardyń qatarynda.
