Şýche turǵynynyń úıinen ekinshi dúnıejúzilik soǵys kezindegi pýlemet-tapansha tabyldy

KÓKShETAÝ. QazAqparat – Krımınaldyq polıtsııa qyzmetkerleri Şýche qalasynyń 58 jastaǵy turǵynynyń úıinen 7,62 kalıbrli 1944 jylǵy Shpagın pýlemet-tapanshasyn tapty, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.

Vedomstvonyń málimetinshe, ekinshi dúnıejúzilik soǵys kezindegi qarý «Mal urlyǵy» jedel aldyn alý sharasy barysynda anyqtalyp, tárkilendi.

«Turǵynnyń sózinshe, sırek kezdesetin qarýdy ol bıylǵy jyldyń aqpan aıynda buryn metall qabyldaý pýnkti bolǵan aýmaqtan taýyp alǵan. Qarýdy zańsyz saqtaý deregi Qylmystyq kodekstiń 287-baby 3-bóligi boıynsha sotqa deıingi tergep-tekserýdiń biryńǵaı tiziliminde tirkeldi. Tekserý kezinde «Tirkelgen qarý» jáne «Qylmystyq qarý» esebi boıynsha málimetter bazasynda qarý joq ekendigi anyqtaldy. Ballıstıkalyq saraptama taǵaıyndaldy. Tergeý jalǵasýda», - dedi vedomstvodan.

Aıta ketsek, Qosshyda kórshisiniń úıinen 20 mln teńgesin urlap ketken turǵyn ustaldy.