Şýche mektebi maska rejımin buzyp, mádenı shara ótkizgeni úshin 639 myń teńge aıyppul tóleıdi

KÓKShETAÝ. QazAqparat – Aqmola oblysynyń Şýche qalasynda maska rejımin buzǵan zańdy tulǵalar jaýapqa tartyldy, dep habarlaıdy QazAqparat tilshisi oblystyq PD baspasóz qyzmetine silteme jasap.

Vedomstvonyń málimetinshe, qyrkúıektiń 12-de Býrabaı aýdandyq PB qyzmetkerleri Şýche qalasyndaǵy mektepterdiń birinde Aqmola oblysynyń bas sanıtar dárigeriniń 30 tamyzdaǵy №109 qaýlysynyń talaptary buzylǵanyn, ıaǵnı maska rejımin buza otyryp, mádenı-kópshilik shara ótkizilgenin anyqtady.

«Osyǵan baılanysty zańdy tulǵanyń ústinen QR ÁQbK 425-babynyń 1-bóligi boıynsha ákimshilik zańbuzýshylyq jóninde hattama toltyryldy. ıAǵnı, 230 aılyq eseptik kórsetkish kóleminde aıyppul túrinde ákimshilik shara qoldanyldy. Aıyppul kólemi - 638 940 teńge» deıdi vedomstvodan.

Osy rette tártip saqshylary oblys turǵyndaryn bas sanıtar dárigerdiń qaýlysyndaǵy talaptardy saqtaýǵa shaqyrady.

Eske sala ketsek, buǵan deıin IQanat High School of Burabay mektebinde sanıtarlyq karantın talaptarynyń buzylý faktisi boıynsha jospardan tys tekserý bastalǵan bolatyn.