Şýche kólinde katamaran aýdarylyp, tórt adam sýǵa batyp kete jazdady

KÓKShETAÝ. QazAqparat – Býrabaı aýdanyndaǵy Şýche kólinde eki kisige arnalǵan katamaran aýdarylyp, tórt adam qutqaryldy, dep habarlaıdy QazAqparat tilshisi.

Aqmola oblystyq Tótenshe jaǵdaılar departamenti baspasóz qyzmetiniń málimetinshe, shildeniń 27-sinde Şýche qalalyq qutqarý stantsııasyna Şýche kólinde katamaran batyp bara jatqandyǵy týraly habarlanǵan.

«Shaqyrý ornyna úsh adamnan turatyn qutqarýshylar toby jetti. Anyqtalǵandaı, eki kisige arnalǵan katamaranǵa tórt adam otyrǵan. Sol sebepti, qaıyq aýdarylyp, sýǵa batyp ketken. Oqıǵa ornyna dereý jetken qutqarýshylar zardap shekkenderdi qaıyqqa salyp, jaǵaǵa shyǵardy. Tórt demalýshynyń da jaǵdaıy qanaǵattanarlyq, medıtsınalyq kómekke muqtaj emes», - dedi vedomstvodan.

Aıta ketsek, Aqmola oblysynda shomylý maýsymy bastalǵannan beri barlyǵy 38 adam qutqaryldy, onyń ekeýi - bala, sondaı-aq, jeti adam kóz jumdy.

Eske ala keteıik, budan buryn Býrabaıda tórt adam sýdan qutqarylǵan edi.