Şýche qalasynda zamanaýı sport saraıy salynady
KÓKShETAÝ. QazAqparat - Şýche qalasynda zamanaýı sport saraıy salynady. Jeke ınvestıtsııalar esebinen turǵyzylatyn «Shıdaı» sport keshenin 2023 jyly paıdalanýǵa berý josparlanǵan, dep habarlaıdy QazAqparat tilshisi.
«Aǵymdaǵy jyly Şýche qalasynda Sport saraıynyń qurylysy bastalady. Qazirgi kezde jobalyq smetalyq qujattary ázirlenip, baıqaý rásimderi ótkizildi. Sport kesheni paıdalanýǵa berilgen kezde 200-den astam bala jekpe-jek túrlerimen aınalysatyn bolady», - dep atap ótti Býrabaı aýdanynyń ákimi Áset Muzdybaev óńirlik kommýnıkatsııalar qyzmetinde ótken brıfıngte.
Aýdan ákiminiń aıtýynsha, jyl saıyn dene shynyqtyrýmen jáne sportpen júıeli túrde aınalysatyndardyń sany artyp keledi. Mádenı bos ýaqytty uıymdastyrý úshin 34 kitaphana, 9 klýb mekemesi jumys isteıdi. Halyqty áleýmettik qoldaý máselelerine kóp kóńil bólinýde.
