SCAT: Shymkent-Astana baǵytyndaǵy reıs 5 saǵatqa keıinge shegerildi
ShYMKENT. QazAqparat - Shymkent áýejaıynda ushý ýaqyty keıinge shegerilgen reısterdiń jolaýshylaryna qonaqúıden oryndar men ystyq tamaqtar berilýde. Bul týraly SCAT áýe kompanııasynyń baspasóz hatshysy Vıktorııa Ýlıanova málimdedi, dep habarlaıdy QazAqparat tilshisi.
Vıktorııa Ýlıanovanyń sózinshe, ushý ýaqyty keıinge shegerilgen Shymkent-Almaty baǵyty boıynsha áýe kemesi búgin saǵat 12:00-de ushyp ketken. Al, Astana baǵyty boıynsha ushý ýaqyty keshki saǵat 19:00-der shamasyna josparlanyp otyr. Belgili bolǵandaı, Shymkent-Astana baǵytyndaǵy reıs 4,5 saǵatqa shegerilgen. Al, Almaty baǵyty boıynsha ushaq 5 saǵatqa keshikken.
«Ázirge qandaı da bir ózgerister bolatyny týraly naqty aqparat joq. Astana baǵyty boıynsha ushý sol 19.00-ge josparlanyp otyr. Degenmen reısterdiń ushý baǵyty boıynsha ózgerister bolyp jatsa, biz jolaýshylarǵa aldyn ala habarlaıtyn bolamyz»,- deıdi Vıktorııa Ýlıanova.
Eske salaıyq, búgin Shymkenttegi aýa raıynyń qolaısyzdyǵynan birneshe reısterdiń ushý ýaqyty keıinge shegerilgen bolatyn. SCAT áýe kompanııasynyń ushaqtarymen qatar Air Astana áýe kompanııasynyń da Shymkentten Astanaǵa qatynaıtyn KC352 jáne Almatyǵa ushatyn KS 972 reısteri ýaqytsha toqtatylǵan edi.
