SCAT ókilderi Tokıoǵa bılet satyp alýǵa qatysty týyndaǵan máselege pikir bildirdi
NUR-SULTAN. QazAqparat - SCAT Tokıoǵa bılet satyp ala almaý tóńiregindegi túsinbestikke qatysty pikir bildirdi, dep habarlaıdy QazAqparat tilshisi.
«Qazirgi ýaqytta reıs júıege engizildi. Bıletti taıaý ýaqytta satyp alýǵa bolady», - dedi QazAqparat tilshisine SCAT áýe kompanııasynyń resmı ókili Vıktorııa Starojılova.
Aıta keteıik, buǵan deıin áleýmettik jelide SCAT áýe kompanııasynyń resmı saıtynan Nur-Sultan-Tokıo reısine bılet satyp alý múmkin emes ekendigi jazylǵan bolatyn.
Esterińizge sala keteıik, QR Parlamentń Senatynda ótken kólik-logıstıkalyq qyzmetterdi damytýǵa arnalǵan dóńgelek ústel otyrysynda QR Indýstrııa jáne ınfraqurylymdyq damý vıtse-mınıstri Berik Kamalıev 6 shildeden Nur-Sultan-Tokıo baǵytynda áýe reısteriniń oryndalatyndyǵyn aıtqan bolatyn.
«6 shildede «SKAT» áýe kompanııasy memlekettik qoldaýmen jáne sýbsıdııalaýmen Tokıoǵa reıster ushyrady. Sondyqtan vıza bolǵan jaǵdaıda osy reıstiń múmkindigin paıdalanýǵa bolady»,- degen edi vıtse-mınıstr.
