SCAT kompanııasy Almaty-Astana baǵytyndaǵy reısterdiń nege ushpaǵany jaıly túsinikteme berdi
ALMATY. QazAqparat - SCAT áýe kompanııasy reısterdiń bógelýine baılanysty túsinikteme berdi, dep habarlaıdy QazAqparat tilshisi.
Áýe kompanııasynyń baspasóz qyzmeti habarlaǵandaı, ushyp shyǵý júıesinde tehnıkalyq aqaý paıda bolǵan.
«Almaty-Astana baǵytyndaǵy eki reıs ushpaıtyn boldy. Mundaı problemalar ótken aptadan bastaldy. Ushaqtardyń ushý kestesi jasalǵan. Bir ushaq keshikse de búkil kestege áser etedi. Bul joly tehnıkalyq aqaýdyń kesirinen ushaqtar keshige bastady. Jappaı keshigý nemese ushpaý derekteri tirkelip jatqan joq», - dedi SCAT áýe kompanııasynyń qoǵammen baılanys bóliminiń basshysy Vıktorııa Starojılova.
Sonymen qatar, atalǵan reıske bılet alǵan jolaýshylar bılet quny tolyǵymen qaıtarylady.
Aıta ketý kerek, SCAT áýe kompanııasynyń jolaýshylary Almatydan Astanaǵa baǵyttalǵan reısterdiń ushpaýyna baılanysty narazylyq bildirgen bolatyn.
