SCAT áýekompanııasy 5 jyl boıy jalǵa alǵan ańshylyq alqabynyń salyǵyn tóleýden jaltarǵan
TÚRKІSTAN. KAZINFORM — Túrkistan oblysynyń prokýratýrasy memleketke SCAT avıakompanııasyna tabystalǵan ańshylyq alqabyn qaıtaryp berdi. Kompanııa 5 jyl boıy salyq tóleýden jaltarǵan. Bul týraly Túrkistan oblysynyń prokýratýrasy baspasóz qyzmeti málimdedi.
2019 jyly 13 jeltoqsanda oblys ákimdigi ańshylyq sharýashylyǵyn júrgizý úshin jerdi berý týraly qaýly shyǵarǵan. Osy aktiniń negizinde Tabıǵı resýrstar basqarmasy jáne «SCAT avıakompanııasy» AQ-y arasynda 20 jyl merzimge ańshylyq alqabyn (4 400 ga) jalǵa berý sharty jasalǵan. Sharttyń 3-tarmaǵyna sáıkes, paıdalanýshy salyq zańnamasynda belgilengen tártippen jerge tólemdi ýaqtyly engizýge mindetti bolǵan. Alaıda, «SCAT avıakompanııasy» AQ shart jasalǵan sátten bastap jer ýchaskelerin paıdalanǵany úshin bıýdjetke salyq aýdarmaı kelgen. Kompanııa 5 jyl boıy salyq tólemeı kelgen
Prokýrorlyq qadaǵalaý aktisi negizinde joǵaryda atalǵan basqarmamen buıryq shyǵarylyp, shartty buzý jolymen ańshylyq alqabyn memleket kirisine qaıtarý jóninde sharalar qabyldandy.