SCAT áýe kompanııasynyń ushaǵy Nur-Sultan áýejaıyna apatty jaǵdaıda qondy
NUR-SULTAN. QazAqparat - SCAT áýe kompanııasynyń ushaǵy Nursultan Nazarbaev halyqaralyq áýejaıyna apatty jaǵdaıda qondy, dep habarlaıdy QazAqparat.
«Nursultan Nazarbaev halyqaralyq áýejaıy SCAT áýe kompanııasynyń DV834 áýe kemesi salonynda sańylaýdyń paıda bolýyna baılanysty apatty jaǵdaıda qonýǵa májbúr bolǵan. Qoný qaýpi bolǵanymen ushaq aman-esen qonǵanyn habarlaıdy. Ushaq bortynda ekıpajdyń 5 múshesi jáne 42 jolaýshy boldy», - dep habarlady áýejaıdyń baspasóz qyzmeti.
«Ushaq apatty jaǵdaıda qonady dep kútkendikten bir charterlik reıs pen Eır Astana áýe kompanııasynyń KS 280 reısi qosalqy aerodromǵa ushyryldy. FlyArystan áýe kompanııasyna tıesili KS 7056 reısi keıinge qaldyryldy», - dedi áýejaıdyń baspasóz qyzmeti.
Baspasóz qyzmetiniń málimetinshe, qazirgi ýaqytta elorda áýejaıy shtattyq rejimde qyzmetin jalǵastyryp jatyr.
