SCAT áýe kompanııasy «Almaty-Petropavl» reısiniń kidirý sebebin túsindirdi
ASTANA. QazAqparat - SCAT áýe kompanııasynyń «Almaty-Petropavl» reısi kidirip jatyr, dep habarlaıdy QazAqparat tilshisi.
«Kidirýdiń sebebi áýe kemesiniń keshirek kelýimen baılanysty bolyp otyr. Áýe kemeleri reıstiń oryndalýyn kezek-kezegimen júzege asyrady. Eger munyń aldyndaǵy áýejaıdan ushaq keshirek ushyp shyqsa, sáıkesinshe kidiris budan keıingi reısterge de áser etýi múmkin. Jolaýshylarǵa bul jaǵdaı aldyn ala eskertildi. Áýe kompanııasy osy yńǵaısyzdyqqa baılanysty keshirim suraıdy», - dep habarlady áýe kompanııasynyń baspasóz qyzmeti.
Aıta ketsek, budan buryn atalmysh áýe kompanııasy óziniń jolaýshylaryna habarlama taratqan bolatyn.
««SCAT» áýe kompanııasy 01.09.18 kúni DV737 «Almaty-Petropavl» reısiniń ózgertilgeni týraly habarlaıdy. Ushyp shyǵý 16:30, ushyp jetý 18:35. Osy yńǵaıyzdyqqa baılanysty keshirim ótinemiz», - delingen mátinde.
