Sibirden qola dáýirine jatatyn biregeı jartas sýreti tabyldy
ASTANA. KAZINFORM — Sibirdegi Hakasııada arheologtar keminde 4 myń jyl burynǵy Okýnev mádenıetine tıesili biregeı jartas sýretin tapty. Buǵan deıin mundaı beıne esh jerden kezdespegen. Bul týraly TASS agenttigi habarlady.
Bizdiń dáýirimizge deıingi III–II myńjyldyqtarda ómir súrgen Okýnev mádenıetine tıesili, balamasy joq jartas sýretin Hakasııadan arheologtar tapty. Bul týraly «Sibir arheologııalyq zertteýleri» avtonomdy kommertsııalyq emes uıymynyń dırektory Tımofeı Klıýchnıkov málimdedi.
Onyń aıtýynsha, Hakasııadaǵy Sorsk baǵandarynan jańa okýnevtik sýret anyqtalǵan. Mundaı beıneler buǵan deıin jartastardan kezdespegen, tek jerleý oryndaryndaǵy tas taqtalardan ǵana tabylǵan.
Sorsk baǵandaryndaǵy alǵashqy petroglıfter 2025 jyly anyqtalǵan. Jaqynda tabylǵan sýret qyzyl ohramen salynǵan jáne onda adamnyń stıldendirilgen bet-beınesi beınelengen. Ǵalymnyń aıtýynsha, bul beıne Ýıbat ózeni mańyndaǵy erte okýnev qorymdarynan tabylǵan sýretterge uqsaıdy. Osyǵan baılanysty ol b. z. d. III myńjyldyqtyń ortasyna jatqyzylady.
Okýnev mádenıeti shamamen 4 myń jyl buryn qazirgi Hakasııa men Krasnoıar ólkesiniń ońtústigin qamtıtyn Mınýsın oıpatynda ómir súrgen. Bul mádenıettiń eń tanymal eskertkishteriniń biri — Shalobolın jazbalary. Okýnevterdiń jartas ónerinde adam beıneleri, sıyrlar, buqalar, bulan jáne mıfologııalyq keıipkerler jıi kezdesedi.
Aıta keteıik, Mańǵystaýdan kóne halyqaralyq saýda ortalyǵynyń izderi tabyldy.
