Sibirde jeke velosherýge shyqqan ekstremaldy sportshy kóz jumdy
ASTANA. KAZINFORM — Polshalyq ekstremaldy sportshy Adam Boreıko Shyǵys Sibirdegi jeke velosherý kezinde qaıtys boldy, dep habarlaıdy BILD.
Ol ıAkýtııa arqyly shamamen 900 shaqyrym jol júrýdi josparlaǵan, biraq osy joldyń bel ortasynda ornalasqan Handyga aýylyndaǵy qonaqúıde óli kúıinde tabyldy. Áýesqoı sportshynyń qaıtys bolǵany týraly ıAkýtııa tótenshe jaǵdaılar mınıstrligi habarlady.
Boreıko 25 qańtar kúni álemdegi eń sýyq jerlerdiń biri ıAkýtııadaǵy Oımıakon aýylyna bet aldy. Jarys ótetin kúni aımaqta aýa temperatýrasy -35 gradýsqa deıin tómendedi. Ol óziniń Instagram paraqshasynda marshrýtqa daıyndyǵy men sharttary týraly únemi jarııalap otyrdy.
Oımıakon óziniń rekordtyq aıazdarymen tanymal: 1933 jyly onda termometr -67 gradýsty kórsetti.
Aıta keteıik, jeltoqsan aıynda ıAkýtııa álemde eń sýyq aımaqtar reıtınginde birinshi orynǵa shyqty.