Sibir taýeshkisi Almaty qoryǵynda fototuzaqqa tústi
ASTANA. KAZINFORM – Almaty memlekettik tabıǵı qoryǵynda Sibir taýeshkisi fototuzaqqa túsip qaldy, dep habarlaıdy Orman sharýashylyǵy jáne janýarlar dúnıesi komıteti.
Sibir taýeshkisi – Almaty memlekettik tabıǵı qoryǵyn mekendeıtin tórt ashatuıaqty sútqorektiniń biri. Qoryq aýmaǵynda ol teńiz deńgeıinen 1200-4000 metr bıiktikte kezdesedi.
– Jazda taýeshkiler bıik taýly aımaqtarǵa kóterilip, quzdy jáne tastaqty betkeılerdi mekendeıdi. Al qysta qar qalyń túsken kezde qorek izdep tómengi beldeýlerge, keıde taý etegine deıin túsedi, – delingen komıtet habarlamasynda.
Sibir taýeshkisi tik jartastar men quzdarda erkin qozǵalady. Ol taýdyń qatal tabıǵı jaǵdaılaryna jaqsy beıimdelgen.
Komıtet málimetinshe, Sibir taýeshkisiniń kadrlary 2026 jyly qoryq aýmaǵyna ornatylǵan fototuzaqtarǵa túsirilgen.
Aıta keteıik, Ústirt qoryǵyndaǵy janýarlardyń tabıǵat aıasyndaǵy tirshiligi fototuzaqqa túsirildi.
