«Sberbank» menedjerleri UBK esepshotynan aqsha alyp júrgen Seıitqazy Mataevty tanydy
ASTANA. QazAqparat - 2005-2006 jj. kezeńinde «Ulttyq baspasóz klýby» esepshotynan 606,8 mln teńge aqsha sheship alǵan. Ony UBK chegi boıynsha sheship alǵan sottalýshy Seıitqazy Mataev bolyp shyqty, muny sot zalynda kýáger bolyp kelgen UBQ jumys istep turǵan kezde Almatydaǵy «Sberbank Rossıı» AQ menedjeri rastady.
«Seıitqazy Mataev bizdiń klıent edi, bankke kelip, kóshirme-úzindi, tólemderdi alyp turatyn, Ulttyq baspasóz klýbynyń basshysy boldy. Keıde maǵan elektrondyq kezek boınysha kelgende bank operatsııalaryn jasaǵan bolatynmyn. Meniń qolym qoıylǵan chekten kórip otyrǵandaryńyzdaı, Seıitqazy Mataev ózi kelip aqshany sheship alyp júrdi», - dedi «Sberbank Rossıı» AQ menedjeri Farhat Saıqnazarov.
Onyń qomaqty qarajatty alǵanyn Astanadaǵy Ortalyq sot saraptama ınstıtýtynyń sarapshysy Baýyrjan Rysqalıev te rastady. Onyń esebine sáıkes 2010-2015 jj. QR IDM Baılanys, aqparattandyrý jáne aqparat komıteti «QazTAG» HAA-men jalpy somasy 169 mln teńge somasynda memlekettik saıasatty aqparattyq jarııalaý týraly birqatar sharttar jasasqan.
Saraptama qorytyndysyna sáıkes 2010-2015 jj. Seıitqazy Mataev 474 mln 369 myń teńge qoldy etken, onyń 55 mln teńgesi memlekettik aqparattyq tapsyrys aıasynda kelip-túsken qarajat.
Eske salsaq, keshe sot talqylaýy barysynda «Bıznes-aýdıt» tekserýi 2005 jylǵy 1 qańtardan bastap 2016 jylǵy 25 aqpan aralyǵynda 606 mln 809 myń 785 teńge, onyń ishinde Seıitqazy Mataevtyń chek kitapshasy boıynsha 474 mln 369 155 teńge sheship alynǵany anyqtaldy.
Sondaı-aq, tekserý Seıitqazy Mataevtyń meıramhanalarda jeke tulǵalardyń shyǵyndaryna qoǵamdyq birlestiktiń 269 mln teńgeden astam qarajatyn demeýshilikpen jumsaǵany anyqtaldy. Onyń ishinde jaqyn týystary da bar.
