«Sberbank» EB AQ Magným sýparmarketteriniń qurylysyn qarjylandyrady
ALMATY. Qańtardyń 21-i. QazAqparat /Erbol Azanbek/ - «Sberbank»AQ-nyń Qazaqstandaǵy enshiles banki men «Magným»JShS ózara áriptestik týraly memorandýmǵa qol qoıdy,
dep habarlaıdy QazAqparat.
Memorandýmǵa sáıkes «Sberbank»AQ «Magným» JShS-niń bıyl qurylysy bastalatyn 2 saýda úıin qarjylandyrmaq.
«Magným» JShS-men qol qoıylǵan kelisim qazaqstandyq bıznesti damytýǵa, onyń ishinde jartylaı rıteıldi damytýǵa baǵyttalǵan shara. Bizdiń banktiń bul jobaǵa qatysýy Magným kompanııasynyń qarjylyq áleýetin ulǵaıtady. Bul óz kezeginde bıznestiń ózara áriptestigi men eldiń ekonomıkasyn damytýǵa múmkindik beredi», deıdi «Sberbank» EB AQ-nyń basqarma tóraǵasy Aleksandr Kamalov.
Al «Magným» JShS-niń dırektory Aleksandr Garberdiń aıtýynsha, qazirgi kezde jobany júzege asyrý turaqty qarjy kózinsiz múmkin emes. «Bundaı qarjy kózi biz úshin «Sberbank» AQ bolyp otyr. Onyń qarjylandyrýymen aldaǵy ýaqytta Almatyda 2 sýparmarkettiń qurylysyn bastaıtyn bolamyz», dedi A.Garber.
